Türkmenistanyň ilçisiniň Pakistanyň söwda, senagat we önümçilik ministri bilen duşuşygy

2023-nji ýylyň 7-nji sentýabrynda Türkmenistanyň Pakistandaky ilçisi A.Mowlamowyň bu ýurduň geçiş hökümetiniň söwda, senagat we önümçilik ministri Gohar Ejaz bilen duşuşygy geçirildi.

Duşuşygyň barşynda ilçi söhbetdeşine Türkmenistanyň Prezidentiniň ýolbaşçylygynda üstünlikli amala aşyrylýan hem-de türkmen halkynyň abadançylygyny we durmuş derejesini ýokarlandyrmagy maksat edinýän giňişleýin özgertmeler barada habar berdi. Şeýle mysal hökmünde “akylly” şäher konsepsiýasyna esaslanýan Arkadag şäheri getirildi.

Ministr ikitaraplaýyn söwda hyzmatdaşlygynyň işjeňleşdirilmegine, iki ýurduň işewürler toparlarynyň arasyndaky gatnaşyklaryň berkidilmegine pakistan tarapynyň ygrarly bolup durýandygyny mälim etdi.