2025-nji ýylyň 21-nji ýanwarynda Türkmenistanyň DIM-de Daşary işler ministriniň orunbasary Ahmet Gurbanow bilen Kanadanyň Türkmenistandaky täze bellenen Ilçisi Kristofer Dagganyň (oturýan ýeri Astana şäheri) arasynda duşuşyk geçirdi. Ilçi ynanç hatlarynyň nusgalaryny gowşurdy.
A.Gurbanow diplomaty jogapkärli wezipä bellenilmegi bilen gutlady we türkmen tarapynyň onuň diplomatik işinde zerur bolan goldawy we ýardamlary bermäge taýýardygyny beýan etdi.
Duşuşygyň dowamynda taraplar syýasy-diplomatik, söwda-ykdysady, medeni-ynsanperwer ugurlardaky gatnaşyklary ösdürmegiň geljegini ara alyp maslahatlaşdylar.
Halkara düzümleriň çägindäki hyzmatdaşlygy bellemek bilen, söhbetdeşler BMG-niň çäginde öňe sürülýän başlangyçlaryň özara goldamagy dowam etdirmäge taýýardyklaryny mälim etdiler.
Şunuň bilen birlikde ikitaraplaýyn gatnaşyklaryň şertnama-hukuk binýadyny kämilleşdirmegiň maksadalaýykdygy bellenildi.
Ilçi türkmen-kanada dostlukly gatnaşyklary ösdürmegiň ähmiýetini belläp, iki ýurduň arasynda gyzyklanma bildirilýän ugurlaryň ählisi boýunça hyzmatdaşlygy mundan beýläk-de pugtalandyrmak üçin ähli tagallalaryny gaýgyrmajakdygyny ynandyrdy.
