Türkmenistanyň Daşary işler ministri Bangladeş Halk Respublikasynyň daşary syýasat edarasynyň wekiliýeti bilen duşuşdy

2026-njy ýylyň 15-nji awgustynda Türkmenistanyň Daşary işler ministri Raşid Meredow Bangladeş Halk Respublikasynyň Hökümetiniň Daşary işler ministrliginiň Gündogar we Günbatar ýurtlary bilen ikitaraplaýyn gatnaşyklar boýunça Sekretary Ilçi Nazrul Yslam bilen duşuşdy.

Duşuşygyň dowamynda taraplar iki ýurduň arasyndaky syýasy, söwda-ykdysady we medeni-ynsanperwer ugurlardaky hyzmatdaşlygyň derwaýys meselelerini ara alyp maslahatlaşdylar.

Şol gün Aşgabatda geçirilen syýasy geňeşmeleriň çäklerinde, diplomatlar hökümetara we edaralaryň derejelerinde yzygiderli gatnaşyklary saklamagyň zerurlygyny tassykladylar.

Geňeşmeleriň netijeleri boýunça gazanylan ylalaşyklaryň ýakyn geljekde iş ýüzünde durmuşa geçiriljekdigine ynam bildirildi.

Taraplar halkara we sebit düzümleriniň çäklerinde iki ýurduň hyzmatdaşlygynyň netijeligini bellediler. Şunuň bilen baglylykda, parahatçylygyň, asudalygyň we durnukly ösüşiň hatyrasyna öňe sürülýän başlangyçlary özara goldamagyň ähmiýeti tassyklanyldy.