Türkmenistanyň Prezidenti Ermenistan Respublikasynyň Premýer-ministrini kabul etdi

2019-njy ýylyň 10-njy oktýabrynda Premýer-ministr N.Paşinýanyň ýolbaşçylygyndaky Ermenistan Respublikasynyň wekiliýeti  Garaşsyz Döwletleriň Arkalaşygynyň Döwlet Baştutanlarynyň Geňeşiniň mejlisine gatnaşmak üçin Aşgabada geldi.

Saparyň çäklerinde Ermenistan Respublikasynyň Premýer-ministri N.Paşinýan bilen Türkmenistanyň Prezidenti Gurbanguly Berdimuhamedowyň arasynda duşuşyk geçirildi. Duşuşygyň barşynda taraplar dürli ulgamlardaky ikitaraplaýyn gatnaşyklaryň ähmiýetli ugurlary barada pikir alyşdylar. Iki ýurduň halkara guramalaryň çäklerindäki gatnaşyklaryny işjeňleşdirmegiň zerurlygy barada nygtaldy. Taraplar şeýle-de GDA-nyň çäklerindäki hyzmatdaşlygyň netijeliligini belläp geçdiler.