Bank ulgamynda türkmen-özbek gatnaşyklarynyň meseleleri ara alnyp maslahatlaşyldy

2024-nji ýylyň 29-njy fewralynda Türkmenistanyň Özbegistandaky Ilçisi Ş.Meredowyň Özbegistanyň Merkezi bankynyň başlygynyň orunbasary B.Abubakirow bilen duşuşygy geçirildi.

Gepleşikleriň barşynda söwda we ykdysady ugurda türkmen-özbek özara gatnaşyklarynyň oňyn depgine eýedigi bellenilip geçildi. Taraplar Türkmenistan bilen Özbegistan Respublikasynyň arasyndaky bankara gatnaşyklary mundan beýläk-de işjeňleşdirmegiň zerurdygyny nygtadylar. Şunuň bilen baglylykda, iki ýurduň banklarynyň arasynda meýilleşdirilýän çäreler ara alnyp maslahatlaşyldy.