Magtymguly Pyragynyň 300 ýyllygy «Украïна Бiзнес Ревю» gazetinde

Medeniýet we sungat işgärleriniň hem-de Magtymguly Pyragynyň şygryýet gününiň öňüsyrasynda, «Украïна Бiзнес Ревю» ukrain gazetiniň nobatdaky sanynda makala çap edildi.

Makalada türkmen halkynyň nusgawy şahyry we akyldary Magtymguly Pyragynyň 300 ýyllygynyň bellenilmeginiň ähmiýeti barada beýan edilýär.

Şeýle hem makalada şu ýylyň 17-nji maýynda açylan «Magtymguly Pyragy» medeni-seýilgäh toplumy barada bellenilýär. Bu ýerde dürli ýurtlaryň meşhur nusgawy şahyrlarynyň we akyldarlarynyň, şol sanda XVIII asyryň meşhur ukrain filosofy we şahyry Grigoriý Skoworodanyň heýkelleri ýerleşdirildi.