Türkmenistanyň Rumyniýadaky Ilçihanasynda çäre geçirildi

2026-njy ýylyň 9-njy sentýabrynda Türkmenistanyň Rumyniýadaky Ilçihanasynda Türkmenistanyň Halk Maslahatynyň öňde boljak nobatdaky mejlisine we 2028-nji ýylyň Halkara hukugynyň ýyly diýlip yglan edilmegine bagyşlanan çäre geçirildi.

Çärä Rumyniýada bilim alýan türkmen talyplary we ýaşaýan Türkmenistanyň raýatlary gatnaşdylar.

Duşuşygyň dowamynda Türkmenistanyň Rumyniýadaky Ilçisi Annamämmet Annaýew 2026-njy ýylyň 23-nji sentýabrynda geçiriljek Türkmenistanyň Halk Maslahatynyň nobatdaky mejlisiniň garaşsyzlyk ýyllarynda ýurduň ösüşiniň jemlerini jemlemekde hem-de içeri we daşary syýasatyň täze ileri tutulýan ugurlaryny kesgitlemekde ähmiýetini belledi.

Duşuşykda Türkmenistanyň Prezidenti Serdar Berdimuhamedowyň 2028-nji ýyly Halkara hukugynyň ýyly diýip yglan etmek baradaky başlangyjyna aýratyn üns berildi. Degişli Kararnamanyň Birleşen Milletler Guramasynyň Baş Assambleýasy tarapyndan 2026-njy ýylyň 24-nji iýulynda 78 döwletiň awtordaşlygynda kabul edilmeginiň Türkmenistanyň halkara hukugyny, parahatçylygy we ynanyşmagy pugtalandyrmaga goşýan goşandynyň aýdyň beýanydygy bellenildi.

Çäräniň çäklerinde 2026-njy ýylyň nyşany bolan ahal-teke bedewine bagyşlanan tanyşdyryş çäresi, şeýle hem Türkmenistanyň Prezidenti Serdar Berdimuhamedowyň we Türkmenistanyň Halk Maslahatynyň Başlygy, türkmen halkynyň Milli Lideri, Gahryman Arkadagymyz Gurbanguly Berdimuhamedowyň Bitaraplyk, parahatçylyk döredijilik, taryhy-medeni miras we Türkmenistanyň häzirki zaman ösüşi baradaky kitaplarynyň sergisi geçirildi.