2023-nji ýylyň 20-nji martynda ÝUNESKO guramasynyň ýanyndaky Türkmenistanyň Hemişelik wekili M.Çaryýew Azerbaýjanyň Baku şäherinde 2023-nji ýylyň 26-29-njy iýun aralygynda geçiriljek Bedenterbiýe we sport meselelerine jogapkär ministrleriň we ýolbaşçy işgärleriň MINEPS VII Halkara maslahatyna taýýarlyk görmek boýunça Maglumat mejlisine gatnaşdy.
Maglumat mejlisi ÝUNESKO-nyň baş edarasynda geçirildi. Duşuşyk Azerbaýjanyň Ýaşlar we sport ministri F.Gaibow we ÝUNESKO-nyň Baş direktorynyň jemgyýetçilik we ynsanperwer ylymlary boýunça orunbasary G.Ramos bilen bilelikde geçirildi. Duşuşyga ÝUNESKO-da akkreditirlenen Hemişelik wekilhanalaryň ýolbaşçylary we beýleki wekilleri gatnaşdylar.
Duşuşykda MINEPS VII-ä taýýarlyk, Halkara maslahatyň maksatnamasy, maksatlar we garaşylýan netijeler, logistika ara alyp maslahatlaşyldy.
