Türkmen önümleri Seul şäherinde geçirilen Import harytlaryň sergisinde görkezildi

2023-nji ýylyň 29-njy iýuny - 1-nji iýuly aralygynda Türkmenistanyň Senagatçylar we telekeçiler birleşmesiniň agzalary Koreýa Respublikasynda geçirilen Import harytlaryň XX sergisiniň işine gatnaşdylar.

Dünýäniň 50 döwletinden 150 iri kompaniýalaryň gatnaşmagynda geçirilen bu halkara sergide ýokary hilli türkmen önümleri hem görkezildi.

Türkmenistanyň milli powilýonynda türkmen halylary, ekologiýa taýdan arassa dokma önümleri, nah we ýüpek matalaryň dürli görnüşleri hem-de ýokary hilli egin-eşikler ýerleşdirildi.

Türkmen milli önümleri halkara import harytlaryň sergisine gatnaşyjylarda uly gyzyklanma döretdi.