2023-nji ýylyň 3-nji iýulynda Türkmenistanyň goranmak ministriniň hem-de saglygy goraýyş we derman senagaty ministriniň orunbasarlarynyň ýolbaşçylygyndaky wekiliýet Halkara atom energiýasy agentliginiň (IAEA) baş direktorynyň orunbasary, tehniki hyzmatdaşlyk departamentiniň başlygy Hua Liu bilen duşuşyk geçirdi.
IAEA-iň baş binasynda geçen duşuşygyň barşynda özara hyzmatdaşlygyň gyzyklanma bildirilýän ugurlarynda alnyp barylýan işler, öňde duran wezipeler ara alnyp maslahatlaşyldy. Şol sanda, Türkmenistan bilen Agentligiň arasyndaky Ýurt boýunça Çarçuwaly maksatnamanyň işlenilip taýýarlanylmagy, tehniki hyzmatdaşlygyň çäklerindäki milli taslamalaryň durmuşa geçirilişi we Agentligiň Radiasiýa howpsuzlygy babatynda maglumatlary dolandyryş tor ulgamy (RASIMS) bilen bagly işlere aýratyn ähmiýet berildi.
