Türkmenistan Sinandali aýdym-saz festiwalyna gatnaşýar

2023-nji ýylyň 31-nji awgustyndan 10-njy sentýabry aralygynda Gruziýada 5-nji Sinandali klassiki aýdym-saz festiwaly geçirilýär.

Sinandali festiwaly dünýäniň dürli künjeklerinden ýerine ýetirijileri, dirižorlary, kompozitorlary, şeýle hem nusgawy aýdym-saz söýüjilerini özüne jemleýär.

Festiwalyň çäklerinde Türkmenistanyň Gruziýadaky ilçisi D.Seýitmämmedowyň çäräniň guramaçylary we oňa gatnaşýan ýaş türkmen sazandalar topary bilen duşuşygy geçirildi.

Ilçi festiwaly gurnaýjylara hoşallygyny bildirdi hem-de häzirkizaman medeni we ynsanperwer ugurdaky gatnaşyklarynyň türkmen-gruzin döwletara hyzmatdaşlygynyň aýrylmaz böleginiň biri bolup durýandygyny we Türkmenistan bilen Gruziýanyň arasyndaky medeni hyzmatdaşlygynda bilelikde işleriň alnyp barylýandygyny belläp geçdi.