Aşgabatda Ýewropa Bileleşigi bilen özara gatnaşyklaryň mümkinçilikleri boýunça dialog dowam etdi

2024-nji ýylyň 18-nji ýanwarynda Türkmenistanyň Daşary işler ministrliginiň binasynda Türkmenistanyň Daşary işler ministriniň orunbasary M.Bäşimowanyň bilen Ýewropa Bileleşiginiň Daşary aragatnaşyklar boýunça gullugynyň Russiýa, Gündogar hyzmatdaşlygy, Merkezi Aziýa we ÝHHG boýunça dolandyryjy direktorynyň orunbasary Lýuk Dewiniň arasynda duşuşyk geçirildi.

Duşuşygyň dowamynda ÝB-niň taslamalaryny we maksatnamalaryny durmuşa geçirmek, ikitaraplaýyn saparlary we çäreleri guramak, nobatdaky “Ýewropa Bileleşigi - Merkezi Aziýa” formatynda ministrler duşuşygyny geçirmek bilen baglanyşykly meseleler ara alnyp maslahatlaşyldy. Erazmus + maksatnamasynyň işine, ulag pudagyndaky hyzmatdaşlyga, şol sanda 2024-nji ýylyň 29-30-njy ýanwarynda Brýusselde maýadarlar Forumynyň geçirilmegine aýratyn üns berildi.