icon
Türkmençe
Русский
English
2025-nji ýyl - «Halkara parahatçylyk
we ynanyşmak ýyly
»
img

19 fewral 2025

1542

Merkezi Aziýa ýurtlarynyň Daşary işler ministrleriniň orunbasarlary bilen Ýewropa Bileleşiginiň wekilleriniň arasynda iş duşuşygy geçirildi

2025-nji ýylyň 19-njy fewralynda Merkezi Aziýa ýurtlarynyň Daşary işler ministrleriniň orunbasarlarynyň we Ýewropa Bileleşiginiň wekilleriniň wideoaragatnaşyk ulgamy arkaly iş duşuşygy geçirildi. Oňa türkmen tarapyndan Türkmenistanyň Daşary işler ministriniň orunbasary Mähri Bäşimowa gatnaşdy.

Gepleşikleriň dowamynda taraplar Merkezi Aziýa ýurtlary bilen Ýewropa Bileleşiginiň syýasy, söwda-ykdysady, medeni-ynsanperwer ugurlardaky hyzmatdaşlygyny ara alyp maslahatlaşdylar.

Duşuşyga gatnaşyjylar şu ýylyň mart we aprel aýlarynda geçiriljek «Ýewropa Bileleşigi – Merkezi Aziýa» görnüşdäki duşuşyklar bilen baglanyşykly guramaçylyk meselelerini jikme-jik gözden geçirdiler.

Iş duşuşygyna gatnaşyjylar Merkezi Aziýa bilen ÝB-iň arasyndaky gatnaşyklaryň iň ýokary syýasy derejede işjeňleşýändigini bellediler.

Telefon: +993 (12) 44-56-92
Faks: +993 (12) 44-58-12
Kabulhana: +993 (12) 44-56-87
Metbugat gullugy: +993 (12) 44-56-04
E-mail: ddd@mfa.gov.tm
744000, Aşgabat, Arçabil köç., 108
Aşgabat, Türkmenistan
© 2025 Türkmenistanyň Daşary işler ministrligi