2023-nji ýylyň 19-njy maýynda Türkmenistanyň Azerbaýjan Respublikasyndaky ilçihanasy Azerbaýjanyň ylym we bilim ministrliginiň ýardam bermeginde Azerbaýjan döwlet mugallymçylyk uniwersitetinde wideoulgam arkaly “Magtymguly Pyragy we dünýä edebiýaty” atly halkara ylmy-barlag maslahatyny geçirdi.
Şahyryň 300 ýyllygyna bagyşlanyp geçirilen bu çärä teleköpri arkaly Türkmenistanyň bilim ministrliginiň, Ylymlar akademiýasynyň we Magtymguly adyndaky Türkmen döwlet uniwersitetiniň, şeýle hem Azerbaýjan Respublikasynyň ylym we bilim ministrliginiň, Milli ylymlar akademiýasynyň we Azerbaýjan döwlet mugallymçylyk uniwersitetiniň wekilleri gatnaşdylar.
Maslahatda çykyş edenler türkmen akyldar şahyrynyň edebi mirasynyň ýetişip gelýän nesli watansöýüjilik, dogruçyllyk we ynsanperwerlik ýörelgelerinde terbiýeläp ýetişdirmekdäki uly ähmiýetini bellediler.
