Türkmenistanyň Daniýadaky Ilçisi ynanç hatlaryny gowşurdy

2019-njy ýylyň 6-njy maýynda Türkmenistanyň Germaniýa Federatiw Respublikasyndaky Adatdan daşary we Doly ygtyýarly Ilçisi T.Ataýew Kopengagen şäherindäki Amaliýenborg köşgünde Daniýa Patyşalygynyň Şa Zenany Margrete II özüniň şol bir wagtda Türkmenistanyň Daniýa Patyşalygyndaky Adatdan daşary we Doly ygtyýarly Ilçisi (oturýan ýeri Berlin şäheri) hökmünde ynanç hatlaryny gowşurdy.

Geçirilen kabul edişligiň dowamynda Türkmenistanyň Ilçisi Daniýanyň Şa Zenanyna Türkmenistanyň Prezidenti Gurbanguly Berdimuhamedowyň gyzgyn salamyny we iň gowy arzuwlaryny ýetirdi. Şa Zenany Margrete II Türkmenistanyň Prezidentiniň adyndan aýdylan sözler üçin minnetdarlyk bildirdi we öz gezeginde Türkmenistanyň Prezidentine we halkyna özüniň parahatçylyk we gülläp ösüş baradaky arzuwlaryny ýollady.