2022-nji ýylyň 2-nji iýunynda Türkmenistanyň Pakistandaky Ilçisi A.Möwlamowyň Pakistanyň täze bellenen Daşary işler boýunça döwlet ministri hanym Hina Rabbani Khar bilen duşuşygy geçirildi.
Duşuşygyň dowamynda ikitaraplaýyn we köptaraplaýyn gatnaşyklaryň birnäçe ugurlary, aýratyn-da, energiýa, söwda, ulag we beýleki ugurlar boýunça pikir alyşdylar.
Ilçi energiýa ulgamynda strategik taýdan möhüm ähmiýete eýe bolan «Türkmenistan-Owganystan-Pakistan-Hindistan» gaz geçirijisiniň, bu ugur boýunça «Türkmenistan-Owganystan-Pakistan» elektrik geçiriji we optiki süýmli aragatnaşyk geçiriji liniýalary taslamalarynyň durmuşa geçirilişi we ýetilen sepgitleri barada habar berdi.
Hanym Hina Rabbani Khar ikitaraplaýyn gatnaşyklaryň derejesine ýokary baha berdi we iki dostlukly döwletiň uzak möhletleýin bähbitlerine laýyk gelýän sebitleýin we halkara hyzmatdaşlygy mundan beýläk-de ösdürmäge gönükdirilen iri bilelikdäki taslamalaryň durmuşa geçirilmegine doly goldaw berýändigini aýtdy.
