2023-nji ýylyň 20-nji aprelinde Türkmenistanyň daşary işler ministrliginde Türkmenistan bilen Birleşen Milletler Guramasynyň arasynda durnukly ösüş ugrunda 2021-2025-nji ýyllar üçin hyzmatdaşlygyň çarçuwaly Maksatnamasynyň çäklerinde döredilen bilelikdäki ýolbaşçy toparynyň mejlisi geçirildi.
Mejlisiň işine Türkmenistanyň daşary işler ministrliginiň ýolbaşçylary hem-de işgärleri, degişli ministrlikleriň we pudak edaralaryň wekilleri, BMG-niň Türkmenistandaky ýöriteleşdirilen agentlikleriniň ýolbaşçylary gatnaşdylar.
Durnukly ösüş ugrunda 2021-2025-nji ýyllar üçin hyzmatdaşlygyň çarçuwaly Maksatnamasy Türkmenistanyň Birleşen Milletler Guramasy we onuň düzüm birlikleri bilen ulgamlaýyn hyzmatdaşlygynyň ösüşini kesgitleýän hem-de orta we uzakmöhletleýin maksatnamalardyr meýilnamalara esaslanýan möhüm resminamalaryň biri bolup durýar.
Duşuşygyň dowamynda Türkmenistanyň hem-de BMG-niň ýöriteleşdirilen edaralary bilen alnyp barylýan işleriň çäklerinde howpsuzlygy üpjün etmek, ekologiýa we daşky gurşaw meseleleri, azyk howpsuzlygy, sanlylaşdyrma we maglumatlary dolandyrmak, bilim, saglygy goraýyş meselelere we beýlekilere seredildi hem-de seljerildi.
Şeýle hem, Durnukly ösüş maksatlaryny durmuşa geçirmek boýunça çykyşlary bilen halkara guramalaryň wekilleri hem-de Türkmenistanyň degişli ministrlikleriniň we pudaklarynyň wekilleri çykyş etdiler. Meýletin milli syn boýunça özara pikir alyşmalar boldy.
