2023-nji ýylyň 27-nji iýunynda Türkmenistanyň Daşary işler ministri Raşid Meredow iş sapary bilen Aşgabatda bolýan Hytaýyň Milli nebitgaz korporasiýasynyň (CNPC) prezidenti Hou Siszýun bilen duşuşdy.
Gepleşikleriň çäginde özara gatnaşyklaryň häzirki ýagdaýy seljerildi hem-de bar bolan mümkinçilikleri nazara almak bilen, ikitaraplaýyn hyzmatdaşlygyň geljegi barada pikir alyşyldy.
Iki döwletiň Baştutanlarynyň arasynda geçirilýän yzygiderli duşuşyklarynyň we gepleşikleriniň türkmen-hytaý gatnaşyklarynyň ösmegine aýratyn täsir edýändigi barada hem nygtaldy.
Taraplaryň bellemegine görä, Türkmenistan bilen Hytaýyň arasyndaky hyzmatdaşlygyň ileri tutulýan ugurlarynyň biri ýangyç-energetika pudagy bolup durýar.
Şu nukdaýnazardan, R.Meredow türkmen tarapynyň Hytaýa türkmen tebigy gaz üpjünçiligini artdyrmak bilen baglanyşykly täze taslamalary durmuşa geçirmek boýunça işlerini dowam etmäge ygrarlydygyny nygtady.
