2016-njy ýylyň 29-njy awgustynda Türkmenistanyň Daşary işler ministrliginde ýurdumyzda öz dilomatik wezipesini tamamlaýan, Ýewropa Bileleşiginiň Türkmenistandaky Işleri wagtlaýyn ynanylan wekili j-p Dionisios Daniilidis bilen duşuşyk geçirildi.
Duşuşygyň başynda halkara guramasynyň wekili türkmen tarapyna Türkmenistandaky işine berilen goldaw we ýardamlar üçin özüniň çuňňur minnetdarlygyny bildirdi.
Soňra duşuşygyň çarçuwasynda Türkmenistanyň we ÝB-niň arasyndaky hyzmatdaşlygynyň häzirki ýagdaýy we ony ösdürmegiň mümkinçilikleri barada pikirler alşyldy. Türkmenistanyň Ýewropa Bileleşiginiň ýurtlary bilen özaragatnaşyklary geljekde ösdürmäge ygrarlylygyny belläp, türkmen tarapy ÝB-niň wekiline Türkmenistanyň bu gurama bilen hyzmatdaşlygyny hemmetaraplaýyn ösdürmeginde eden tagallalary üçin minnetdarlygyny bidirdi we geljekdäki işinde üstünlikleri arzuw etdi.
