2017-nji ýylyň 23-25-nji fewraly aralygynda Gonkongda Halkara Energetika Hartiýasynyň, Konrad Adenauer Ştiftuň Gaznasy we Hytaýyň Gonkong uniwersitetiniň Hukuk fakultetiniň gurnamagynda sebitleýin energetika hyzmatdaşlygy boýunça Maksatnamalaýyn toparynyň “Bir guşak, bir ýol” atly başlangyjynyň çäklerinde energetika maýa goýumlaryny kadalaşdyrmak meseleleri boýunça” 13-nji mejlisi geçirildi.
Forumyň işine, Beýik Britaniýadan, Gazagystan Respudlikasyndan, Gyrgyz Respublikasyndan, Hytaý Halk Respublikasyndan, Koreýa Respublikasyndan, Ispaniýa Patşalygyndan, Russiýa Federasiýasyndan, Şwesiýa Patyşalygyndan, Özbegistandan, Türkmenistandan halkara işewürleri we bilermenleri gatnaşdylar.
Ýygnagyň açylyş dabarasynda, Energetika Hartiýasynyň wise-prezidenti Masami Nakata, Hytaýyň Gonkong uniwersitetiniň wise-prezidenti professor Fanny Cheung, Hytaýyň Gonkong uniwersitetiniň Hukuk fakultetiniň dekany professor Christopher Gane we Sebitde energiýa howpsyzlygy we klimatyň üýtgemegi taslamasynyň direktory Peter Hefele dagylar çykyş etdiler.
Mejlisiň işiniň barşynda, “Bir guşak, bir ýol” atly başlangyjyň çäklerinde Energiýa syýasaty we Energiýa ugrunda hyzmatdaşlygyň kadalary, daşary ýurt göni maýa goýumlary, energiýa bazarynyň reformasy, energiýany maliýeleşdirmekde jedelleriň çözülmegi, energiýany üstaşyr geçirmek ýaly mowzuklar boýunça halkara işewürler we bilermenler çykyş etdiler.
Şunuň bilen baglylykda, täzeden dikeldilýän energiýa serişdelerine maýa goýum taslamalarynyň mümkinçilikleri we hukuk binýadynyň orny barada maslahatlaşyldy. Şeýle hem, energiýa serişdelerini üstaşyr geçirmegiň hukuk binýadynyň mehanizimleri we Energetika Hartiýa Ylalaşygynyň orny hakynda durlup geçildi.
